Се верува дека нашите соништа се поврзани со нашата реалност
Огнот често се појавува во соништата и има многу различни конотации. Кога мислиме на оган, повеќето луѓе мислат на емоции како лутина или бес.
Сепак, може да претставува и нешто добро, пишува „Dreams“.
За да ви помогнеме да го разберете значењето на соништата за оган, во продолжение прочитајте што претставува огнот.
Сонувате дека гори куќата
Ова може да значи дека се чувствувате преоптоварени и под стрес. Многу сте загрижени и вознемирени и во последно време тешко го наоѓате својот мир. Овој метафоричен сон значи дека стабилноста на вашиот дом ќе биде разнишана. Може да дојде од вас, од одредени ситуации или од луѓе кои ве сакаат.
Вие или некој друг гори во оган
Ако сонувате дека сте во пламен, значи дека сте преокупирани со нешто и мислите дека немате излез. Меѓутоа, овој сон може да претставува и позитивна промена и дека ќе се издигнете од пепелта како феникс.
Ако сте сонувале дека некој што го познавате е зафатен од пламен пред вас, тоа може да биде знак дека нешто навистина лошо ќе и се случи на таа личност.
Стоите покрај голем оган
Сонувањето дека сте во близина на оган може да биде лош знак. Сепак, огнот претставува и топлина и смисла, а можно е наскоро да дознаете некоја добра вест.
Сонувате дека палите оган
Ваквиот сон може да укаже на љубов со личност што ја познавате или дека во наредниот период ќе запознаете нови луѓе, а можеби и личност во која ќе се заљубите. Симболизира многу случувања, пријатни изненадувања, посета на пријатели или стекнување нови пријатели. Тоа укажува на зголемување на енергијата и надминување на пречките.
Гасите оган во сон
Сонот во кој гасите оган значи дека сте личност која секогаш стои на топката и не дозволува ситуацијата да излезе од контрола. Поради оваа особина, многумина ве ценат и го споменуваат тоа кога зборуваат за вас.