Откријте која поза за спиење е најдобра за вас, а која потенцијално може да предизвика проблеми…
Според фенг шуи, положбата на телото за време на спиењето има многу поголемо влијание врз здравјето и психолошката состојба на човекот отколку што сме свесни. Во принцип, важно е креветот да не се наоѓа на местото каде што се вкрстуваат воздушните струи. Доколку е можно, треба да се избегнуваат спални со неправилна форма.
Доколку често се вртите среде ноќ и сонот ви е прекинат, можно е положбата на телото да не ви одговара во однос на половите на Земјата, а секоја од четирите позиции има свои предности и недостатоци.
Се одредува според насоката во која е свртена вашата глава – било да е тоа север, југ, исток или запад. Учењата за фенг шуи се потврдени со бројни современи студии според кои половите на Земјата и нивната магнетна сила можат да промовираат подобро целокупно здравје, но дури и ако не се согласуваат со положбата на телото, тие можат да предизвикаат главоболки и да бидат поттик за хронични здравствени состојби.
Главата свртена кон исток
Оваа позиција се смета за идеална за деца и млади луѓе. Поттикнува порано станување, повеќе енергија, раст и развој. За луѓе над 50 години, оваа позиција може да биде премногу интензивна. Бидејќи го поттикнува растот и активноста, не е добро за хиперактивни и анксиозни луѓе.
Главата насочена кон север
Оваа поза е идеална за луѓе кои патат од несоница, особено за постарите. Ја подобрува смиреноста, духовноста и го намалува крвниот притисок. Негативните страни на оваа позиција се недостатокот на креативна енергија и ентузијазам.
Главата свртена кон запад
Според фенг шуи, оваа поза е поврзана со чувство на задоволство и хедонизам. Иако создава позитивно расположение, може да поттикне и недостаток на енергија и мрзеливост. Затоа, не се препорачува за луѓе фокусирани на градење кариера или постигнување деловен успех.
Главата свртена кон југ
Оваа позиција генерално се поврзува со висока енергија, огнени соништа, силно либидо и расправии. Иако ја поттикнува страста во животот, не е добро да спиете на овој начин долго време. Тоа може да резултира со раздразливост и несоница, а во неа може да се појават драматични соништа.