Температурата на водата и воздухот не е иста во сите делови на машината за миење садови
Повеќето домаќинки ставаат чаши за вино на долната полица кога ги ставаат садовите во машината за перење. Тоа, според експертите, е голема грешка, пишува „Newsbeast“.
Поставувањето чаши за вино на долната решетка на машината за миење садови може да го направи циклусот на миење неефикасен.
Машините за миење садови се дизајнирани така што чашите и шолјите треба да се стават на горната полица, а поголемите садови, чиниите и приборот за јадење на дното. Ако не го следите ова правило, може да се случи ниту еден од садовите што сте ги ставиле во машината да не излезе чист.
Зошто е опасно да се мијат чашите за вино на долната полица?
Повеќето машини за миење садови имаат две ротирачки млазници кои испраќаат вода до горните и долните решетки. Обликот на горната полица е наменски направен така што водата стигнува до внатрешноста на чашите и шолјите.
Исто така, долната полица е попрактична за чистење на рамни површини како чинии и тави.
Ставањето чаши на долната полица може да спречи водата да стигне до внатрешноста на чашите, така што тие нема да бидат толку чисти како на горниот дел.
Дополнително, долната полица е дизајнирана така што ги поставуваме садовите на одредено растојание, што може да биде голем предизвик доколку се обидеме така да поставиме чаши.
Уште една важна причина зошто чашите за вино треба да се ставаат на горната решетка на машината за миење садови е тоа што стаклото може многу лесно да се скрши или пукне.
Исто така, на горната полица на машината, температурата е секогаш малку пониска отколку на дното, што го штити стаклото од кршење поради топлина.
Секакп на горната полица на машината за миење садови, притисокот на водата е послаб отколку на дното, што исто така спречува стаклените чаши да се скршат при миење.