Фотографијата на Том Круз и Шакира заедно, направена минатата недела на трката во Формула 1 во Мајами, поттикна гласини за нивната наводна романтична врска.
Пејачката реши веднаш да ја демантира веста за каква било врска со познатиот актер. Нејзината пријателка се огласи и стави крај на таквите информации.
– Кога пријателите се во Мајами, тие се среќаваат. Новинарите сакаат да создадат романса, но таа го познава Том многу долго време. Фокусирана е на семејството – изјави Ана Лурд Мартинез за „Page Six“, додека друг извор исто така потврди дека пејачката не е заинтересирана за врска со Том.
– Шакира одлично си поминала дружејќи се со Том на Формула 1, но не е заинтересирана да излегува со него. Тој бил навистина фин и таа уживала во неговото друштво, но не е фокусирана на врската со него или со некој друг во моментов. И се собраа многу работи и засега е фокусирана на децата и кариерата.
Шакира и Џерард, кои заедно ги имаат синовите Милан и Саша, ги шокираа обожавателите кога во јуни 2022 година објавија заедничка изјава во која го објавија крајот на нивната романса. Оттогаш Џерард е со студентката Клара Чиа Марти (24), додека пејачката се фокусирала на преселба од Барселона во Мајами и нејзините синови.