Модната куќа Ив Сен Лоран ја лансираше новата колекција на златен накит „Saint Laurent Haute Joaillerie“, која вклучува впечатливи парчиња: обетки, прстени и ѓердани во жолто и бело злато.
Дизајнерскиот накит од Ентони Вакарело, креативен директор на париската модна куќа Ив Сен Лоран, е направен од рециклирано злато и дијаманти.
Накитот доаѓа во различни форми и големини. Обетките се предимензионирани, а нараквиците се широки или испреплетени, во вид на искривени јамки. Колекцијата вклучува и тенки ѓердани, како и долги и елегантни обетки.
Дизајнот на најновата колекција накит се карактеризира со препознатливи елементи на познатиот бренд: големи алки со синџир, како и „YSL“ лого.
При претставувањето на колекцијата наведено е дека се работи за функционални и носливи, но и колекционерски, безвременски парчиња.
Накитот е наменет за љубителите на минимализмот.