Изи Чен, која има профил на социјалните мрежи посветен на „нега на кожата за почетници“, зборуваше за лошите навики што луѓето ги имаат кога станува збор за нега на кожата.
Во видеото објавено на нејзиниот профил на TikTok, таа објасни какви грешки мисли дека мораме веднаш да престанеме да правиме.
Сушење на лицето
– Број еден – користите крпа за да го исушите лицето. Ако не ги миете секој ден, ќе се насоберат бактерии кои можат да доведат до појава на акни.
Изи понуди неколку алтернативи за да ја смениме оваа навика.
– Можете или да го оставите само да се исуши лицето или да го правите она што јас го сакам, а тоа се памукчиња.
Редоследот на нанесување на производи
Следни на листата се луѓето кои применуваат производи за убавина по погрешен редослед.
– Мора да ги нанесувате производите во правилен редослед за да ја максимизирате нивната ефикасност.
Таа објаснува дека правилниот редослед на нанесување лосион е од најтенок до најгуст.
@izzychen I didn’t think the last one needed to be said at this point but I see this in almost EVERY skincare video on my fyp – what is going on??? #skincaretips #skincaremistakes #skintok #skincareroutine #skincaresteps #sensitiveskin #acneproneskin
Хијалуронска киселина
– Нанесете хијалуронска киселина директно на сува кожа. За хијалуронската киселина да работи правилно, треба да ја нанесете на влажна кожа. Така, можете да ја нанесете веднаш по нанесувањето на тонер или есенција кога вашата кожа е сè уште влажна.
Како да ја зачувате козметиката
Нејзиното последно предупредување се однесува на начинот на кој го земаме производот со прсти и нокти, најчесто кремите за лице во теглички. Изи објасни:
– Ова е сигурен начин вашите производи да акумулираат бактерии кои живеат на вашите прсти.