Трендовите за убавина постојано се менуваат, а денешните генерации ги создаваат на ТикТок, социјална платформа која од ден на ден ги поместува границите на модата и убавината.
Убавите, дебели и исчешлани трепки можат да го променат изгледот на целото лице. Затоа жените избираат совршена маскара која ќе ги задоволи нивните желби и потреби, ќе ги отвори очите и ќе обезбеди заводлив изглед.
Во потоплите месеци, без разлика дали поради алергии или температури на кои шминката не е целосно имуна, избираме екстензии на трепки кои траат подолго и не бараат премногу внимание.
Доколку не сакате трајно решение, секогаш можете да импровизирате со таканаречените вештачки трепки за еднократна употреба кои можете да ги најдете во речиси секоја специјализирана продавница за убавина.
Нанесувањето на трепките за еднократна употреба им создава проблеми на многу жени. Иако на почетокот постапката е многу едноставна, тешко е да се погоди каде да се залепат и да се постигне природен изглед во кој лепилото не доаѓа до израз.
Еден од трендовите што привлече најголемо внимание е трендот за нанесување вештачки трепки, кој налага да ги залепиме на долните трепки, а по намигнување сами да се залепат на горните трепки и на тој начин да се создаде природен и уреден ефект, кој е многу полесно да се постигне на овој начин.
@iam.acml New Lash trend✨ ( don’t mind my eyebrows they are still healing ) #ombrebrows #lashtrend #lashes #queentarzi #mua #makeup #lashtutorial #viral #vj #fy #fyp #vjp
Овој трик преку ноќ ги освои социјалните мрежи, а задоволните жени истакнуваат дека тоа е најдобриот начин за нанесување на трепките. Инфлуенсерката Амбер секојдневно споделува корисни совети и трикови за шминкање, а ова е еден од оние кои привлекле најмногу внимание.
Во кратко видео можеме да видиме како нанесува малку лепак на преполовени вештачки трепки. После тоа, залепете го на надворешниот агол на долниот очен капак – што е можно поблиску до окото. Кога ќе трепне, трепките завршуваат токму онаму каде што треба, што инаку е доста тешко да се погоди.
Резултатот е природен изглед кој воодушеви илјадници жени на TikTok и може повторно да ги стави вештачките трепки за еднократна употреба меѓу омилените производи за убавина.