The Idol
На HBO Max доаѓа „The Idol“, серија која доби долги аплаузи во Кан, но од друга страна, доби оценка од само 9 проценти на Rotten Tomatoes, што ја прави најлошо оценета HBO серија на сите времиња. Критичарите сметаат дека серијата се граничи со порнографија и веќе добила бројни критики, а наскоро ќе го добие и конечниот суд на публиката. Режисери се Сем Левинсон, Реза Фахим и Абел Тесфаје, односно The Weeknd, а и глуми заедно со Лили Роуз Деп.
And Just Like That…
Од 22 јуни првите две епизоди од долгоочекуваната нова сезона на серијата „And Just Like That…“ се достапни на платформата HBO Max. Она што го знаеме од јануари е дека Ејден (Крег Бланкенхорн) ќе се приклучи на актерската екипа, додека Сара Џесика Паркер, Синтија Никсон и Кристин Дејвис остануваат во главните улоги. Ним ќе им се придружат новинарката и активистка Глорија Стајнем и небинарниот музичар Сем Смит, во засега непознати улоги.
The Witcher
Третата сезона на популарната серија доаѓа во два дела на стриминг платформата Нетфликс. Станува збор за третата сезона, во која Хенри Кавил за последен пат го гледаме како Џералд, а во сезоните кои допрва следуваат неговата улога ќе ја преземе Крис Хемсворт. Првите епизоди од третата сезона ќе бидат достапни на Нетфликс од 29 јуни, а вториот дел го очекуваме еден месец подоцна, на 27 јули.
Black Mirror
Добри вести за љубителите на легендарната дистописка серија – по четири години, шестата сезона доаѓа на Нетфликс во јуни, иако точниот датум сè уште не е познат. Салма Хајек Пино, Арон Пол, Дени Рамирез, Дејвид Шилдс, Кејт Мара, Мајкл Сера се само еден дел од ѕвездената екипа, а кога е акцијата во прашање, го очекуваме неочекуваното и нека новите епизоди повторно не шокираат.
The Bear
Серијата која брзо ги освои гледачите ширум светот се враќа во Hulu со втора сезона, почнувајќи од 22 јуни. Серијата го следи младиот готвач Карми, кој ја напушта работата како главен готвач во ресторан со висока класа за да го преземе пропаднатиот ресторан The Beef, кој го презема по смртта на неговиот брат. Серијата е достапна и на платформата Disney+.
Based On A True Story
Трилерот со елементи на комедија го режираше Крег Розенберг и Џејсон Бејтмен, а улогата ја толкува и актерката Кејли Кијоко. Како што сугерира насловот, оваа серија е за опседнатоста на општеството со документарци за вистински криминал и слична содржина, а на Peacock доаѓа на 8 јуни.