НАПРАВЕТЕ ВИСТИНСКИ ДОМАШНИ МЕДЕНИ КОЛАЧИЊА Исто како од кујната на баба
Ви предлагаме да направите медени колачиња по оригинален рецепт со само неколку состојки кои веќе ги имате дома.
Ова се колачиња во кои главна состојка е медот. Едноставни се и лесни и брзо се прават. Овие колачи се повкусни и помеки колку подолго стојат, па можете да направите поголема количина. По желба можете да ги декорирате и со јаткасти плодови или некое суво овошје.
Состојки:
5 лажици мед
5 лажици шеќер
1 јајце
5 лажици млеко
5 лажици масло
450 гр меко брашно
1 лажица сода бикарбона
Подготовка:
Прво изматете ги медот, шеќерот и јајцето. Потоа додадете ги млекото и маслото, како и просеаното брашно со сода бикарбоната.
Се замесува тесто, па се одвојуваат мали делчиња од смесата и се обликуваат топчиња.
Наредете ги на тава обложена со хартија за печење.
Медените колачиња се печат во загреана рерна на 200°C околу 12 минути. Потоа се оставаат да отстојат уште 3 минути во исклучената рерна.
Уживајте!