Многумина би се согласиле дека едноставното користење на хартиена крпа за бришење на лепливиот сос за скара од рацете е погрешно, но честопати не успеваме да ја примениме истата логика за чистење на задникот…
А сега малку за тема која не се појавува редовно во секојдневниот разговор. Некои се бришат нагоре, некои надолу. Некои мора да станат за да стигнат до тешко достапните делови, додека други користат влажни марамчиња. Експертите, сепак, препорачуваат миење на задникот со вода по дефекацијата. Еве пет причини зошто не е најдобро да користите само тоалетна хартија по големата нужда.
- Бришењето шири бактерии
Да, повеќекратното бришење со тоалетна хартија ги чисти повеќето траги, но на овој начин можете и да го размачкате она што сакате да го исчистите од вашиот задник. Ова е особено опасно за жените, бидејќи бактериите можат да навлезат во нивниот уринарен тракт.
- Може да останат траги
Едноставното бришење со тоалетна хартија не секогаш функционира, а трагите може да останат на оние тешко достапни места, што може да доведе до чешање и дамки на долната облека.
- Прекумерното бришење не е добро
Прекумерното бришење со хартија може сериозно да ја иритира чувствителната кожа околу анусот и да доведе до здравствени проблеми.
- Без затнати одводи
Ако се миете, помала е веројатноста да користите многу тоалетна хартија, што значи дека е помала веројатноста да ја затнете тоалетната школка. Ова е особено точно во одредени земји, како што е Грција.
- Помалку хемикалии
Некои тоалетни хартии содржат токсични материи како што е белилото со хлор и може да предизвикаат здравствени компликации, додека влажните марамчиња може да содржат надразнувачи како што е пропилен гликол. Водата ќе се погрижи овие материи да не се задржуваат подолго од потребното, пишува „Дејли Стар“.