Печурките се одличен избор за брз оброк или како додаток на друго главно јадење како месо или зеленчук. Печурките најчесто се консумираат пржени, динстани или на скара.
И додека секој го има својот омилен рецепт со печурки, она за кое малкумина се сигурни е дали треба да се измијат пред употреба.
Некои домаќинки ги мијат непосредно пред термичка обработка, додека некои не.
Што е всушност правилно?
Можеби ви звучи чудно, но пред термичка обработка, никако не треба да ги миете печурките. Иако можеби не ви изгледа хигиенски, нема причина да се грижите, бидејќи печурките се одгледуваат многу внимателно и исто толку внимателно се берат, па стандардната нечистотија не доаѓа предвид, додека настануваат потешкотии со миењето.
Бидејќи самите печурки содржат висок процент на вода, ако ги измиете пред употреба, тие го губат целиот свој вкус.
Па, како да ги подготвите за јадење?
Првото нешто што треба да направите е да ги отстраните особено контаминираните области со сечилото на ножот. Потоа темелно избришете ги со салфетка или крпа.
Ако се премногу валкани, намокрете чиста крпа и нежно избришете ги. И тоа е се.
Потоа можете да започнете со подготовка на вашиот омилен рецепт.