Ако животот доаѓаше со упатства за употреба, на сите ќе ни беше многу полесно. Токму оваа мисла се вртеше низ главата на Деви Вишвакумар, сосема поинаков протагонист од третата сезона на тинејџерската драма „Never Have I Ever“.
Нетфликс не воодушеви минатата година кога објави класична, но во исто време и сосема поинаква приказна за растењето во комплицирана средина за живеење.
Мајтреј Рамакришнан ја играше Деви, луда и мила девојка со индиски корени која се справува со загубата на нејзиниот татко и класичните проблеми на 15-годишно девојче.
За да ја пронајде својата емотивна основа, Деви се обидува да се открие себеси, но и да го проба забранетото овошје кое расте насекаде околу неа и е толку примамливо.
Минди Калинг и Ланг Фишер направија одлична работа и ни ги покажаа подемите и падовите на еден млад тинејџер низ три сезони. Топлината, емоциите, но и суровата животна реалност, без премногу украсување, ќе ве воодушеват до тој степен што овој наслов ќе му го предложите на вашиот тинејџер. И тогаш ќе се најдете себеси како уживате во серијата исто колку и тие.
Првата сезона се фокусираше на откривање на околината и пронаоѓање на своето „јас“, додека вторите две сезони ни покажаа повеќеслојна тинејџерска бунтовност.
Доколку сте ја гледале серијата, сигурно се сеќавате на несигурната Деви која не ја забележуваше својата внатрешна и надворешна убавина, а подоцна одлета до височините на крилјата на нејзината самодоверба.
Меѓу другото, серијата ја одбележа и шармантно турбулентната врска со Бен, нејзиниот вечен непријател, со кој таа е во војна уште од кога ги направиле првите чекори.
Финалето на третата сезона беше доста незгодно. Ги оставивме Бен и Деви зад затворени врати, а судејќи според старата поговорка кој се кара, кој се сака, ни претстојат многу младешки љубовни заплеткувања во четврта сезона.
Креаторите на серијата истакнаа дека четвртата сезона е и последна, а фановите беа воодушевени од веста дека таа веќе е достапна на Нетфликс почнувајќи од 8 јуни.
„Едвај чекаме да ја видиме бурната романса и урнебесните авантури кои долго време ви ги подготвуваме. Ви благодариме на сите за поддршката и можеме да ви ветиме дека нема да ве разочараме“, изјавија креаторите на серијата минатата година кога ја најавија четвртата сезона.
„Мислам дека начинот на кој писателите пристапија кон четвртата сезона беше со таква грижа и со толку упорно и прецизно планирање. Нè очекуваат одлични епизоди, кои всушност ќе бидат доволно добра утеха дека нашата авантура дојде до крајот“, изјави Џерен Левисон, кој го играше Бен во серијата.