Актерот Алек Болдвин пред две недели имаше операција на колкот. Тој е виден во Њујорк како оди со помош на бастун.
Додека Болдвин беше во болница, неговата сопруга, Хиларија Болдвин (39) на Инстаграм објави дека Алек бил опериран.
Актерот претходно на Инстаграм ги информираше своите обожаватели за здравствената состојба и рече дека морал да ја направи операцијата пред најмалку две години и дека цело време одел кривејќи.
„Не си направив никаква услуга себеси“, додал тој, посочувајќи дека направил компензациска штета на другите делови од телото, вклучително и грбот, вратот и колената.
„Беше тешко да одам кривејќи во оваа состојба две години“, изјавил актерот.
Актерот веќе имаше операција за замена на левиот колк во 2018 година, а неодамна изјави дека немал време за втората операција поради презафатениот распоред.