Ешли Греам не е само супермодел. Оваа 35-годишна жена е сопруга, мајка, претприемач, дизајнер, продуцент, автор…
Сепак, при спомнувањето на нејзиното име, повеќето ќе помислат на фактот дека таа е плус сајз модел.
Упатените ќе знаат и дека Ешли е жена која со години ја промовира телесната позитивност, односно се бори за прифаќање на сите тела без разлика на нивната големина, тежина, форма, боја на кожа…
Пред седум години таа стана првиот модел кој носи број 46, кој позираше во костим за капење за насловната страница на магазинот Sports Illustrated. Една година подоцна, во 2017 година, таа стана првиот плус-сајз модел на насловната страница на магазинот „Вог“.
Без никакво сомневање може да се каже дека Ешли Греам сериозно ја потресе модната индустрија од нејзиниот почеток. Денес, поголемите модели се секојдневие во светот на модата, но тоа не беше секогаш случај. Кога Ешли ја започна својата кариера во раните 2000-ти, таа влезе во прилично непозната територија и полека ја доведе целата приказна на ново ниво.
Денес, доволно е да го посетите нејзиниот Инстаграм профил за да разберете дека таа сè уште работи на тоа да поттикне што е можно повеќе жени да се сакаат себеси и своето тело. Не се плаши да покаже стрии, не се плаши да покаже целулит, не се плаши да покаже како изгледа вистинско тело без фотошоп…
А во секојдневието се труди да го следи она за што постојано зборува, па нејзините најнови фотографии во костим за капење не треба никого да изненадат.
Фотографите ја фатија Ешли како ужива со сопругот Џастин Ервин и пријателите на одмор во Сен Тропе. Со насмевка на лицето, во дводелен костим за капење се забавуваше со друштвото и ги впиваше сончевите зраци.
Таа носеше модел составен од топ со животински принт и гаќички со висок струк во црна боја.
И таа уживаше неоптоварена од туѓите мислења – што сите треба да го правиме. Затоа, следниот пат кога ќе бидете нервозни за тоа како ќе изгледате на плажа, сетете се на оваа жена која заработува половина милион долари месечно и престанете да се криете.
