Филип и Летиција, шпанската кралска двојка, на ручек ja угостија кралската двојка од Јордан, а оваа средба не само што беше дипломатска, туку и модна…
Кралот и кралицата на Јордан, Абдула Втори и неговата поубава половина кралицата Ранија се сретнаа на ручек во Кралската палата во Мадрид, а средбата беше договорена како дел од работната посета на Шпанија со цел зајакнување на воената и безбедносната соработка.
Дамите избраа тесни миди фустани со слична должина и крој за оваа пригода, но Ранија мислела дека ќе биде поладно, па облекла долги ракави.
Изборот на бои и цветни мотиви беше сличен, но домаќинката, кралицата Летиција, остави поведар и поопуштен, така да се каже, летен впечаток.
Последната сличност лежи во салоните со речиси идентична боја, па можеме да заклучиме дека овие две дами имаат многу сличен моден вкус.
