Жените ширум светот почнаа да го садат и од него да прават „магичен“ еликсир за раст на косата.
Рузмаринот во својот состав содржи урсолна киселина, која ја поттикнува циркулацијата на скалпот, а со тоа коренот на косата добива повеќе кислород и хранливи материи, што резултира со здрав и брз раст на косата.
Аналгетските и антиинфламаторните својства на рузмаринот ги смируваат иритациите, чешањето и воспалението на скалпот и помагаат да се ослободите од првутот. Совршено го штитат здравјето на кожата, што создава здрава основа за развој и раст на влакната.
Употребата на ова растение особено им се препорачува на луѓето со тенко влакно, бидејќи го зголемува волуменот и го враќа сјајот на безживотната коса, а со редовни третмани корисни материи се впиваат во фоликулите, косата побрзо расте и станува видливо побујна.
Водата со рузмарин за побрз раст на косата е хит на социјалните мрежи во последните месеци, а се што ви е потребно за да го подготвите овој природен препарат се неколку гранчиња свеж рузмарин и вода.
Ставете ги сечканите гранчиња рузмарин во тенџере, додадете половина литар вода и варете додека водата не стане килибарна. Потоа тргнете го тенџерето од оган, покријте го, оставете го да се излади, процедете ја, истурете ја водата во шише со распрскувач и чувајте ја во фрижидер.
Еднаш или двапати дневно нанесете водата од рузмарин и добро втријте ја, а првите резултати можете да ги видите по неколку недели редовна употреба.