Љубовната приказна на Елвис и Присила Присли продолжува да ги интересира филмаџиите. По минатогодишниот „Елвис“, кој се занимаваше со подемот на кралот, но и со неговата љубов кон животот, сега повторно доаѓа на големото платно, но ќе го гледаме од гледна точка на Присила. Режисерката Софија Копола всушност го привршува филмот „Присила“, кој е базиран на мемоарите „Елвис и јас“ од 1985 година. Познатиот пар ќе го играат Џејкоб Елорди, познат од „Еуфорија“ и Кејли Спени. Штотуку беше објавен трејлер, а филмот треба да се прикажува во октомври, објави People.
„Кога тинејџерката Присила Болие ќе го запознае Елвис Присли на забава, човекот кој веќе беше рокенрол суперѕвезда станува сосема поинаков во приватните моменти: љубовник, сојузник во самотијата, ранлив најдобар пријател. Низ очите на Присила, Софија Копола зборува за непознатата страна на големиот американски мит, долгото додворување и турбулентниот брак на Елвис, од германската воена база до Грејсленд, во овој длабоко живеен и заносно детален портрет на љубовта, фантазијата и славата“, пишува соопштението на филмската компанија А24.
„Елвис“ во режија на Баз Лурман беше огромен хит минатата година. Критичарите не штедеа пофалби за Остин Батлер, кој го отелотвори Елвис, а сега задоволна од изведбата беше и 78-годишната Присила. Софија Копола смета дека претходниот и нејзиниот филм нема да бидат слични, бидејќи Лурман не навлезе во приказната на Присила, па сега има простор навистина длабоко да се задлабочи во неа. „Мислам дека Баз е единствен и приказната беше многу креативна. Но, Присила е толку минорен лик во тој филм, така што никогаш не се чувствував како да газам на истата територија. Ми се допаѓа што луѓето беа толку заинтересирани за неговиот филм за Елвис, а сега излегува уште еден филм, за Присила, и мислам дека ќе биде интересно да има две сосема различни интерпретации на исти настани и временски период“, рече режисерот.
