Многумина се прашуваат зошто луѓето изневеруваат и дали човечката природа е навистина моногамна? Изневерувањето е сложен процес, бидејќи е производ на повеќе фактори.
Многу често се работи за желбата за ново искуство, потребата да се „ почувствуваме слободни“. Слободата е во човечката природа, затоа понекогаш одредени луѓе партнерството можат да го сфатат како „окови“. И тогаш се случува фатална грешка: наместо да му го пренесат ова чувство на партнерот и да се обидат да ги „зачинат работите“, или да ја напуштат врската, тие се впуштаат во изневерување.
Она што е важно да се нагласи е фактот дека изневерувањето е секогаш избор, а не збир на околности.
Продолжувањето на врската со некој што ве повредил на овој начин може да биде предизвик. Сепак, многу поединци веруваат дека неверството на партнерот не треба автоматски да значи крај на врската и дека всушност „фрла светлина“ на нерешени прашања, а се решаваат и прашања кои треба да се решат.
Додека други цврсто веруваат дека неверството треба да значи крај на врската.
За која опција ќе се одлучите, прво да ги разгледаме добрите и лошите страни.
Придобивките од простувањето
Откривањето дека вашиот партнер ве изневерува е секогаш болно искуство. Кога навистина се случува неверство, тоа обично е симптом на други основни проблеми во врската, што секако не го оправдува чинот, но простувањето на некој што изневерил може да дозволи да се решат длабоко вкоренетите прашања.
Решавањето на основната причина понекогаш резултира со партнерство кое станува посилно на долг рок.
И покрај тоа што мислат другите, не секој е подготвен да ја прекине врската по неверството; можеби инвестирале многу години, ресурси и внимание. Затоа, луѓето кои се заинтересирани да видат дали нивното партнерство има иднина – имаат право да ја донесат таа одлука без да бидат осудени од општеството.
Да се чувствувате повредено, луто, па дури и огорчено после предавство е нормално, а вашите чувства се валидни. Способноста да се ослободите од гневот и незадоволството е најголемиот потенцијал што може да го доживее човечката душа, дури велат дека „простувањето лекува“.
Процесот на заздравување може да биде сложен бидејќи е потребно време да се обнови основата на врската. На крајот на краиштата, задржувањето на негативните емоции може да биде штетно. Учењето како да се ослободите, да простувате и да продолжите понатаму е вредна животна вештина.
Недостатоците на простувањето
Повеќето веруваат дека изневерувањето ја преминува дозволената граница и „е тема за која не се преговара“.
Најголемиот ризик од простување на некој кој ве изневерил е можноста тоа да се случи повторно, а потоа можете повторно да завршите со скршено срце. За жал, некои луѓе го поистоветуваат простувањето со прифаќањето и го злоупотребуваат во своја полза.
Простувањето мора да донесе заборав. Доколку се водите по мотото „Можам да простам, а не да заборавам“, ги задржувате лошите емоции, а тоа ќе го отежне повторно воспоставувањето блискост со партнерот.
Важно е да се истакне дека понекогаш луѓето изневеруваат затоа што бараат излез. Затоа, ако вашиот партнер сака да си замине, збогувањето нема да го кочи.
На крајот на денот, важно е да знаете дека секој поединец е одговорен за своите постапки и дека врската е двонасочна улица; понекогаш вината е и кај двете страни, а понекогаш некој е, едноставно кажано, само лоша личност.