Познатата актерка Софија Вергара за прв пат се омажила во 1991 година, но бракот траел само три години.
Многумина ја сакаат поради нејзината харизма, пристапност, смисла за хумор, но и интересен стил на облекување.
Би можело да се каже дека кај неа е јасно изразена границата меѓу класиката, елеганцијата и опуштениот стил, па во зависност од ситуацијата можеме да ја видиме во сите три верзии.
Дека на млада возраст имала чувство за мода покажува и изборот на венчаница во која се омажила на само 18 години.
Софија Вергара и Џо Гонзалес се забавувале како тинејџери и во 1991 година решиле да стапнат на лудиот камен. Сепак, само три години подоцна нивниот брак се распадна, но тие го добија синот Маноло.
Венчаницата на Софија била раскошна, горниот дел бил покриен со мониста со различни големини, а на главата имала украс во форма на „богато“ венче, придружено со разни цветни детали во косата.
