Грицкањето семки од лубеница е многу здраво. Го забрзуваат метаболизмот, а одлични се и за блескав изглед на кожата и косата.
Додека јадете лубеница, генерално ги отстранувате семките. Во некои други култури, на пример во Тајланд, луѓето редовно ги консумираат, но ги користат и во сушена форма.
За да ги искористите придобивките од семките од лубеница, важно е добро да ги изгрицкате и исџвакате. Кога ќе се исушат, може да се направи чај.
Еве зошто е добро да се јадат семки од лубеница:
Содржат важни амино киселини
Тоа се: аргинин, лизин, глутаминска киселина, триптофан и други важни аминокиселини кои нашето тело не може само да ги произведе.
Овие амино киселини се многу важни. Така, на пример, аргининот го подобрува метаболизмот и сексуалното здравје, како и здравјето на срцето.
Богати се со магнезиум, ликопен…
Сто грама семки од лубеница содржат 139 проценти од препорачаната дневна потреба (за магнезиум.
Тој е минерал важен за многу работи, вклучително и кардиоваскуларното здравје и нормализирање на крвниот притисок.
Ликопенот е важен антиоксиданс, кој исто така го има во изобилство во семките од лубеницата. Добар е за здравјето на срцето и за машката плодност.
Семките од лубеница се богати и со витамини од групата Б како што се ниацин, фолна киселина, пантотенска киселина, тиамин и рибофлавин.
Одлични се за убава кожа и коса
Грицкањето на овие семки го подобрува изгледот на кожата, која ќе стане посветла, ќе изгледа поздраво и ќе старее побавно.
Имено, тие содржат масни киселини кои имаат способност да ја хидрираат, зајакнуваат и омекнуваат кожата и ја штитат од акни и други кожни проблеми.
Ќе направат вашата коса да блесне – ќе стане поздрава, посилна и посјајна.
Семките од лубеница содржат и бакар, кој помага во производството на меланин, пигмент одговорен за бојата на кожата и косата.