„Не можам, ме боли глава“ – е еден од најчестите изговори кога не сме расположени за романтични активности под чаршафите.
Иако отвореноста и директноста треба да биде сосема доволна, многу жени внимаваат да не ги повредат своите партнери, па се обидуваат да најдат тактички изговори како што е главоболка.
Истражувањата покажаа дека одбивањето секс со партнерот може негативно да влијае на целата романтична врска, особено на самодовербата на мажот и дека може да предизвика тага и вознемиреност, што во некои случаи може да резултира со распад на бракот.
Жените се свесни за тоа, па низ историјата развивале креативни изговори кои ги користат за да ги балансираат своите чувства со неговите. Иако често е само изговор, во многу случаи сексот е тој што може да ни помогне да се ослободиме од вистинска главоболка.
Како сексот помага при главоболки?
Партнерскиот или соло секс може да биде најдобриот и најприроден начин за брзо и ефикасно решавање на проблемот со досадната главоболка и продолжување на денот опуштено и полн со енергија, потврдија од Здружението за нарушувања на мигрена и додадоа дека кај некои поединци сексот делува подобро од морфинот.
Напливот на ендорфин што се јавува за време на возбуда игра голема улога во ублажувањето на физичката болка, а исто така може да помогне и при менструални болки и болки во грбот. Истата студија покажа дека повеќе од 60 отсто од испитаниците кои страдаат од мигрена признале дека доживувањето оргазам многу помага во ублажување на нивните болки.
Иако секој облик на секс може да биде корисен, сепак експертите посочуваат некои пози како најефективни, а подолу можете да проверите за кои пози станува збор.
1. Поза „лажица“
Позата во која жената лежи на страна, а мажот ја прегрнува со цело тело одзади е една од најдобрите пози за водење љубов. Сексуалните терапевти истакнуваат дека станува збор за поза која во преден план го става женското задоволство.
Освен што ја подобрува емоционалната интимност, оваа поза е како природен лек за главоболка. Кога се води љубов на овој начин, се ослободуваат големи количини на окситоцин, допамин и серотонин бидејќи позата „лажица“ комбинира љубов и секс, прегратки, доверба, топлина, поддршка и сексуално задоволство.
2. Жед
Оваа поза е прегратка сама по себе. Тоа е една од позите во Кама Сутра и сексуалните терапевти ја истакнуваат како класичен пример за водење љубов, а многу наликува на позата лажица – само партнерите се соочуваат еден со друг.
За да ја изведете оваа поза, испреплете ги нозете и прегрнете се еден со друг. Партнерката треба да ја подигне ногата и да ја стави преку страната на партнерот за да му овозможи пенетрација. Оваа поза е одлична затоа што имате одврзани раце за галење, гушкање и допирање додека заедно ја подигнувате вашата интимност на следното ниво, а исто така е една од најдобрите за борба против главоболката.