Рецептот за тост од авокадо е многу вкусен и едноставен. Можете да го подготвите кога ви претстои напорен ден, бидејќи ќе ви даде енергија, а нема да ви одземе премногу време за подготовка.
Ова овошје содржи здрави природни масти кои го прават заситувачки, па затоа е идеално за појадок.
Состојки:
1 авокадо
2 парчиња тостиран леб
200 гр. печурки
сол
бибер
сок од лимон
1 чешне бел лук
масло
Подготовка:
Загрејте го путерот и ситно исечкајте го лукот, па пропржете го.
Во таа тава печете го лебот додека не порумени од двете страни.
Во истото тавче пропржете ги исечканите печурки.
Исечете го авокадото на средината, а потоа изгмечете ја внатрешноста и додадете сол, бибер и сок од лимон.
Сè добро измешајте.
Врз тостот намачкајте го авокадото, а врз него ставете ги печурките.
Пријатно!