Сите елементи на уредувањето на домот се сведуваат на личниот вкус, што е видливо по тоа што некои претпочитаат минималистички, монохроматски дизајн на ентериер, додека други сакаат текстура и богат бохо стил. Сигурно е точно дека вградувањето на бојата во дизајнот на ентериер не е за секого, но дизајнерката на ентериер и експерт за бои Софи Робинсон верува дека тоа има огромни придобивки.
– Тоа ве прави среќни. Тоа е само подобрување на расположението – изјави Софи, која редовно споделува совети за користење на боите во домот.
Се разбира, знаеме дека кога се користи правилно, бојата во домот има моќ да нè утеши, инспирира и смирува, но тоа е поентата – тоа треба да се направи правилно.
– Треба да ја земете предвид светлината и формата на просторот, но најважно е да размислите како и кога ја користите просторијата. Собите во кои живеете во текот на денот треба да бидат светли, додека потемните бои се подобри за оние соби што ги користите навечер. Ако се избере погрешна боја, собите може да се чувствуваат непријатно и згрчено – вели Џоа Студхолм, кустос за бои.
Всушност, има многу работи што треба да ги земете предвид пред да додадете боја во вашиот простор, но не е невообичаено возбудените молери целосно да ги изостават, што понекогаш резултира со жалење подоцна.
Ова се најчестите грешки кои се прават, а кои треба да се избегнуваат кога станува збор за бојадисување и бои:
– Не опседувајте се да останете „неутрални“. Изборот на вистинската боја може да донесе сосема нова димензија во вашиот дом.
– Не заборавајте да размислите за осветлувањето. Бојата може драстично да се промени во зависност од осветлувањето, а понекогаш тоа е нешто што луѓето го занемаруваат. Одлично решение за ова е да ја тестирате бојата што ја сакате и на природна дневна и на вештачка вечерна светлина, имајќи предвид кои простори ги користите наутро и навечер.
– Не влегувајте директно во голем проект. Исфарбајте една по една соба, за да не се преоптоварувате со работа.
– Не ставајте мали примероци блиску еден до друг. Кога не можете да се одлучите помеѓу неколку бои, се претпочита да нанесувате примероци на ѕидот, но важно е тие да бидат доволно далеку една од друга за да ја добиете вистинската слика.
– Не заборавајте да размислите како бојата што ќе ја изберете ќе се вклопи со остатокот од вашиот простор и мебел.
– Не дозволувајте туѓите мислења да влијаат на вас.
– Не ги игнорирајте таваните.
– Не заборавајте правилно да ги подготвите ѕидовите за молерисување.