Жените во Кина и Јапонија долго време користат оризова вода на косата за да ја направат подолга и што подоцна да побелее.
Оризовата вода е всушност скробната вода што останува откако оризот ќе се свари или ќе се остави да кисне.
Според истражувањата, жените во периодот Хејан (794 до 1185 н.е.) во Јапонија имале коса „до земја“, која ја одржувале здрава миејќи ја во оризова вода.
Модерен еквивалент на оваа приказна може да се најде во Кина. Жените Јао, кои живеат во селото Хуанглу во Кина, се познати по тоа што имаат коса во просек долга до два метри.
Покрај нивната неверојатна должина, се вели дека косата на жените Јао ја задржува бојата подолго, бидејќи тие не почнуваат да имаат сиви влакна додека не наполнат 80 години. Жените ја припишуваат должината и бојата на косата на фактот што ја мијат во оризова вода. Нејзините дополнителни предности вклучуваат полесно чешлање и отплеткување на косата.
Подготовка и употреба:
Потребна ви е една шолја ориз, која добро ќе ја измиете во две води. Искористете ја третата вода за да продолжите со процесот, не истурајте ја, туку префрлете ја во тенџерето. Истата вода загрејте ја, а потоа излупете кора од портокал и додадете ја да зоврие. Пред да ја префрлите водата со кората од портокал во теглата, оставете ја малку да се излади.
Шампонирајте ја косата како што правите вообичаено. Исушете со крпа, а потоа рамномерно нанесете оризова вода на косата и измасирајте ја во косата и скалпот. Покријте со капа за туширање и оставете да делува до 20 минути. Исплакнете темелно со топла вода и стилизирајте по желба.
Идеално е да го оставите овој третман до 20 минути, но ако вашата коса се чувствува стврднато по плакнењето, следниот пат обидете се да ја измиете порано.
За целосни резултати, косата треба да се мие со оваа вода двапати месечно.