Емили Блант, 40-годишната актерка која може да се види во филмот „Опенхајмер“, за кој сите зујат деновиве, секогаш го става своето семејство на прво место.
Блант најави дека ќе земе една година одмор за своите деца и нема да зема нови проекти.
Ѕвездата на серијата ‘The English’ ја објасни причината поради која сака да се оддалечи од екраните најмалку една година.
Британската актерка истакнува дека одлучила вака заради своето семејство.
„Не работам оваа година. Работев многу изминатава година, а мојата најстара ќерка има 9 години, така што сме во нашата последна едноцифрена година“, рече таа во подкастот „Маса за двајца со Брус Бози“ на iHeart.
Актерката е горда мајка на две девојчиња: Хејзел (9) и Вајолет (6) со нејзиниот сопруг и колега актер Џон Красински, со кој се омажи во 2010 година. „И едноставно чувствувам дека има моменти во нивниот ден кои се навистина важни кога децата се млади. А тоа е, на пример, „Ќе ме разбудиш? Ќе ме однесеш ли на училиште? Ќе дојдеш да ме земеш? Ќе ме ставиш во кревет?’ Чувствувам дека треба да бидам таму додека минуваат тие моменти“, изјавила актерката.
Актерката изјави дека има голема „емотивна цена“ за неа и нејзиното семејство кога прифаќа долгорочни проекти, па сега Емили Блант нема намера да презема никакви ангажмани во следните 12 месеци.
Таа додаде дека е „многу склона кон вина“.
„Мислам дека можеби сите мајки се склони кон тоа. Едноставно имаш тенденција да се чувствуваш лошо поради тоа што, не дај Боже, сакаш нешто друго надвор од мајчинството“, вели актерката, која вели и дека е голем поддржувач на жените да бидат амбициозни.
Инаку, Блант неодамна призна дека не сака нејзините деца да тргнат по нејзините стапки и да станат актерки.