Поранешниот член на One Direction, Зејн Малик, се отвори за причините за напуштање на бендот.
Малик рече дека сфатил дека времето на групата заедно завршува кога неговите колеги музичари одбиле да потпишат нови договори.
„Знаев дека нешто се случува“, рече Малик, додавајќи: „Си мислев: „Само ќе си одам одовде, мислам дека ова е готово“.
Зејн тогаш беше поконкретен.
„Целосно себично сакав да бидам првиот човек што ќе направи свој албум“, рече Малик, додавајќи: „Јас сум пасивен тип, но кога станува збор за мојата музика и мојот бизнис, јас сум сериозен за тоа и сум амбициозен, па сакав да бидам првиот што ќе си одам и ќе направам моја музика. Тоа беше причината“.
Малик ги напушти One Direction за време на нивната турнеја во 2015 година, наведувајќи го стресот како причина, пишува Variety.
„Очигледно имало и фундаментални проблеми во нашите пријателства. Ни беше смачено еден од друг, да бидам целосно искрен“, рече Малик, додавајќи:
„Бевме блиски… правевме луди работи еден со друг што никој друг на светот никогаш нема да ги разбере и сега се навраќам на тоа во многу подобро светло. Имаше одлични искуства, одлично се забавував со нив, но само тргнавме секој по сопствен пат“.;