Филмот „Барби“, како што стојат работите, ќе биде најголемиот летен филмски хит, а можеби и најголемиот филмски хит на годината, но според препораката на дистрибутерот, децата помлади од тринаесет години не треба да го гледаат. Во САД филмот беше оценет со PG-13, што значи дека луѓето помлади од тринаесет години не треба да го гледаат самостојно во друштво на своите врсници, туку само во придружба на возрасни.
Како што е познато, дистрибуцијата во светските кина започнува на 21 јули, а филмот во режија на Грета Гервиг, во кој главните улоги на Барби и Кен ги толкуваат Маргот Роби и Рајан Гослинг, е во продукција на студиото Warner Bros. Pictures го опишуваат со овие зборови: „Животот во Барбиленд е совршен и таков треба да биде. Се додека не паднете во егзистенцијална криза или не сте Кен“.
Поради вокабуларот несоодветен за деца, кој вклучува пцовки и сугестивни референци за содржина несоодветна за деца на возраст под 13 години, дистрибутерите ја означија содржината како PG-13. Имено, зборува за тешки теми, како што се смртта и умирањето, смислата на постоењето, а некои шеги се прилично извртени и, според дистрибутерот, неразбирливи за децата. Целната публика, се посочува, се милениумците и членовите на генерацијата Z, кои пораснале играјќи си со барбики, и сите на свој начин го доживеале она за што всушност се работи во филмот – излегување од заштитениот свет на фантазијата каде што сè е совршено, во реалниот свет со секојдневните тешкотии, радости и таги.
Во многу земји во светот веќе се одржани свечени национални премиери и затворени проекции, авансното купување билети ги надмина сите очекувања, а првите критики во специјализираните списанија и портали велат дека се работи за сериозен филм со сложена тематика и фасцинантни актери. Пред почетокот на прикажувањето на најрозовиот филм во историјата на кинематографијата, дознавме и дека во светот има недостиг од светло розева боја, а модните куќи ги испразнија своите магацини за своите колекции инспирирани од barbiecore, кој ќе биде ултимативното глобално модно „must have“ ова лето.
