Секој си има своја слаба страна, своја слаба точка која ако некој успее да ја допре, може да разбуди дури и нескротлив ѕвер.
Но, дали знаете која е вашата слаба точка?
Според хороскопскиот знак…
Овен
На Овнот слабата точка често му е прикриена, па делува како воопшто да ја нема, но се ужасува од самата помисла дека може да остане осамен, изолиран или болен без никој да го гледа или теши во моментите кога му е тешко.
Иако е храбар и самоуверен, слаба точка му е семејството, па затоа, потребен му е партнер кој ќе го чека дома и ќе биде покрај него за поддршка и убави зборови.
Бик
Оние кои не го познаваат Бикот, мислат дека може да направи сè што ќе посака кога ќе си го зацрта во главата, бидејќи никогаш не се откажува од своите цели. Секако, полесно му е кога не мора да води сметка за паричникот не само заради себе, туку и заради најблиските.
Не сака да ризикува и да остане без финансиска поддршка, станбен простор и покрив над глава, бидејќи сака сè најдобро за себе и партнерот.
Близнаци
Слабата точка на Близнаците е нивниот нервен систем, па противникот може многу лесно да ги доведе во состојба на благ очај, ако се обиде да ги тренира нивните живци. Тогаш не им помага ниту вродената интелигенција, ниту снаодливоста.
Ги обзема паника која се претвора во страв од соочување со самите себе. Иако ги избегнуваат таквите ситуации, Близнаците се свесни за својата немоќ, нервоза и депресивност, ако наидат на проблеми со успехот.
Рак
Вашата загриженост за сè и сешто е последица на вродената несигурност и стравовите кои ве обземаат од време навреме. Затоа, Ракот секогаш е во потрага по стабилен, сигурен и ситуиран партнер, посебно ако станува збор за жена.
Слаба точка на секој Рак е стравот од губењето на саканата личност или статусот во општеството кој најчесто и само заради тоа го имаат. Ако некој ги погледне наопаку, тоа е доволно за да почнат стравовите.
Лав
Слаба точка на Лавот е суетата заради која понекогаш нема граници, па може да манипулира со другите само за да му се додворуваат и да добива комплименти. Колку повеќе поданици има околу себе, толку е посреќен, но тоа не значи дека положбата му е гарантирана.
Токму затоа, потајно се плаши од јавен потсмев и губење на моќта која му ја носи општествената или работната позиција.
Девица
Слаба точка на секоја Девица е стравот дека некој ќе им ја одземе контролата, а ако дојде до тоа, тогаш ѝ страда нервниот систем. Должностите и обврските се свети правила на Девиците, без нив не можат да функционираат ниту пак да се грижат за најблиските.
Девицата добро знае како да се грижи за себе, единствено не умее да си го контролира нервниот систем.
Вага
Вагите не сакаат расправии, посебно не на јавни места, без разлика дали се во кругот на пријателите или непознати личности, па заради тоа секогаш се воздржуваат. Слаба точка им се разговорите за непријатни теми како што се здравствените проблеми, заради кои се загрижени повеќе од било кој друг знак.
Се плашат од реалноста, се трудат да го избегнат стресот, а лек за тоа најчесто им е храната, посебно благото.
Скорпија
Слаба точка на Скорпиите е нивниот љубовен живот, без разлика на тоа што ја носат титулата на најголем заводник во Зодијакот. Скорпијата се грижи и за својот физички изглед и еротската моќ, бидејќи времето поминува, а со тоа интересот на спротивниот пол може да почне да опаѓа.
Доколку ја изгуби саканата личност, која решила да премине на друг партнер, токму тогаш Скорпијата е најранлива и изгубена.
Стрелец
Иако се многу прилагодливи и снаодливи, Стрелците постојано внимаваат другите личности да не им прават нешто позади грб, посебно на работа. Слаба точка им е правдољубивоста и затоа не поднесуваат агресија и насилство, бидејќи се чувствителни на туѓото страдање и туѓите проблеми.
Стрелците ги загрижува и однесувањето на саканата личност, па се сомничави и претпазливи, но тоа никогаш не го покажуваат.
Јарец
Јарците се плашат од промени иако секогаш се подготвени да одат напред и сакаат да се искачат до самиот врв, од каде сè можат да видат подобро. Сепак, слаба точка на Јарецот му се емотивноста и потпирањето на соништата и фантазиите, особено ако не успеале да ги остварат.
Имаат дар да ги препознаат знаците кои другите не можат и тоа може да ги загрижи, бидејќи се суеверни, посебно кога е во прашање партнерот или другите членови на семејството.
Водолија
Иако на прв поглед делуваат незаинтересирано и ладнокрвно, на Водолиите слаба точка им е стравот од губиток, без разлика дали се работи за професионална положба, финансиска сигурност или почитување од семејството.
Длабоко во душата се плашат од понижување, болести и сиромаштија, па за нив не сакаат ниту да зборуваат само за да не се „баксузираат“. Слаба точка им се и домашните миленици, бидејќи ги сакаат со сето срце и не сакаат да ги изгубат.
Риби
Рибите вешто и шармантно ги прикриваат сопствените несигурности, а најголемата слаба точка ретко кој може да им ја забележи, бидејќи умешно бегаат во својот паралелен свет на фантазии и соништа . Амбициозни се и многу способни, па се плашат од „поголемите риби“ кои можат да ги проголтаат, но тоа никогаш не го покажуваат.
Немоќните, слабите и незаштитените, односно децата и постарите, секогаш им го крадат вниманието.