Поминаа 26 години од смртта на принцезата Дијана, но деталите од нејзиниот живот секогаш предизвикуваат големо внимание кај луѓето.
За нејзиниот моден вкус, како и за бракот и родителството се знае многу, но тоа на луѓето не им е доволно, а во последно време ги интересира што сакала да јаде Лејди Ди во нејзините четири ѕида.
На задоволство на многумина, готвачот Дарен Мекгрејди, кој работеше за кралицата 11 години пред да се пресели во Кенсингтонската палата на Дијана од 1993 до 1997 година, откри кој ѝ бил омилен појадок на принцезата.
– Готвев грав за појадок во Бакингемската палата и принцезата Дијана го сакаше. Таа всушност ќе изедеше цела конзерва грав за појадок. Звучи лудо, но кога ќе размислите за тоа, има само седум грама шеќер во гравот приготвен на англиски начин, тој е богат со протеини, влакна и има многу малку масти – рече тој.
Тој открил дека Дијана обично го јадела овој појадок пред да оди во теретана да вежба.
Иако не е типичен за нашето поднебје, појадокот на принцезата Дијана е дел од традиционалниот англиски појадок. Се служи со јајца, сланина, колбаси и печурки.