Не се сите креми за сончање исти и погодни за сите типови кожа. При изборот на вистинската крема за сончање, обрнете внимание на овие фактори.
Кожата е изложена на УВА и УВБ зраци секој ден, дури и кога времето е облачно, па експертите препорачуваат секојдневно да се користи крема со заштитен фактор. Меѓутоа, при изборот на крема за сончање, многу е важно да внимавате на типот на кожата, бидејќи не се сите креми за секого.
Мрсна кожа – не поднесува масла
Кремите за сончање без масла се најдобри за мрсна кожа. Оние кои содржат масло се премногу тешки за овој тип на кожа и можат да ги затнат порите и да предизвикаат акни. Најдобро е да се избегнуваат кремите против потење и оние кои содржат пчелин восок. Полесните гел-креми се вистинскиот избор за овој тип на кожа.
Комбинирана кожа – навлажнувачки лосиони
На овој тип кожа одговараат воздушести формули кои не ја оптоваруваат Т зоната. Лосионите кои содржат млечна киселина и алое вера се одличен избор. Тие ја одржуваат оптималната pH вредност на кожата и ја негуваат. Најдобар избор се хидратантните лосиони бидејќи кожата брзо ги впива и не создаваат мрсен површински слој.
Сува кожа – хранливи креми без парфем
Сувата кожа е најчувствителна на сончевото зрачење и бара различна нега. Кремите треба да бидат хранливи, без додадени парфеми и мириси, бидејќи можат да ја иритираат и да ја исушат кожата. Помагаат и оние креми кои содржат состојки како глицерин, масло од јојоба, екстракт од алое вера и масло од јаглика, кои имаат благотворно дејство. Гел формулите не се погодни за сува кожа, лосионите се подобар избор за неа бидејќи подолго се задржуваат на површината.
Дополнителни совети:
– Не се потпирајте на кремот од минатото лето
– Кога купувате крема за сончање, одберете таков што штити од УВА и УВБ зраци и има заштитен фактор од најмалку 30.
– Не се залажувајте дека поскапите креми штитат подобро од поевтините.
– Не заборавајте да го проверите датумот на истекување. Ова е особено точно ако ви останала крема од минатото лето.
– Нанесете ја кремата 15 минути пред да излезете на сонце и нанесувајте ја на секои два часа.