Даниел Редклиф, кој се уште е најпознат како Хари Потер поради улогата во споменатиот филм, неодамна беше виден како штрајкува со својата избраничка Ерин Дарк, како и со неговиот тримесечен син.
Малото момче било облечено во комбинезон со диносауруси, а неговите славни родители го заштитиле од сонцето (како и љубопитните очи) со капа. Актерот цело време го држел бебето во раце, дури и во носач, а неговата глава ја држел за да не му се гледа лицето.
Американскиот сојуз на филмски и телевизиски актери неодамна донесе одлука да штрајкува и со тоа да се приклучи на штрајкот на сценаристите, кој веќе прекина бројни филмски и телевизиски проекти во Америка. SAG-AFTRA (составен од Здружението на актерите на екранот и Американската федерација на телевизиски и радио уметници) објави, исто така, за потсетување, дека го започна штрајкот по неуспешните преговори за договор со Алијансата на филмски и телевизиски продуценти.
Истите им забрануваат на актерите во здружението да ги промовираат своите филмови, како и да работат на нови проекти, а треба да се напомене дека SAG-AFTRA застапува околу 160.000 актери и други професионалци од индустријата во САД, пренесува локалниот печат.