За многу жени, носењето чевли со високи потпетици е мачење, а некои ќе трпат се за убавина. Кога стоиме со превисоки потпетици, целата тежина е на предниот дел и поради оваа причина стапалата почнуваат да отекуваат и болат.
Објавата на фризерка од Англија стана вирална откако таа го сподели нејзиниот трик за тоа како успева да остане на високи потпетици шест часа дневно без да почувствува болка.
Имено, пред да облече чевли, таа ги прска стапалата со спреј со анестетик! Лидокаинот во овој спреј всушност ги блокира сигналите за болка што нервите ги испраќаат до мозокот.
Сепак, многумина ја предупредија дека тоа не треба да се прави често, бидејќи болката е корисен знак дека нешто не е во ред. Значи, решението не е целосно да ни ги отапи стапалата.
Далеку подобро би било на стапалата да им се пружи соодветна грижа, доволно вежбање за зајакнување на лакот, но удобни чевли барем за на работа.
„Ова е добро понекогаш да го имате при рака“, вели една од жените на „Тикток“, а спрејот или кремот со мала доза лидокаин, инаку, се наменети за привремено ослободување од болките на кожата од полесни повреди или гребаници.