Обликот на вашето лице одредува кои обетки ви стојат најдобро.
Во зависност од обликот на лицето, треба да го бирате и накитот.
Овално лице
Ова е најчестата форма на лице. Ако го имате, убаво ви стојат обетките во форма на солза, како и бисерите и алките. Важно е само да внимавате накитот да биде пропорционален со големината на главата.
Округло
Сите оние дами кои имаат тркалезно лице треба да носат подолги обетки. Без разлика дали станува збор за тенка форма, како иглички или правоаголна форма, важно е рабовите да бидат остри за да се создаде контраст со лицето.
Срцелико
Оваа форма на лице е слична на овална, но се стеснува под јаготките и завршува со остра брада.
Дамите со ваков тип на лице имаат пошироко чело. Обетки кои се прошируваат во долниот дел, како солза или пирамида, одговараат на лицето во облик на срце.
Коцкасто
Оние со коцкасто или остро лице треба да се одлучат за подолги обетки. Исто така, на нив убаво им стојат обетките со извиткан дел на дното.
Убаво им стојат и малите округли обетки и големите овални.