Правилната гардероба може да направи да изгледате помладо и помодерно, но има и парчиња облека кои можат да додадат 10 години, тврдат стилистите.
Иако за вкусовите не може да се расправа, експертите велат дека овие работи се погрешни за сите.
Крупни шари
При изборот на фустани или блузи со бујни цветови или големи кругови се нарушува хармонијата, а целото внимание е насочено кон облеката. Впечатливите принтови со големи мотиви и дезени особено не им се препорачуваат на жените кои се ситни и ниски бидејќи тоа прави да изгледаат визуелно постари.
Дамите кои сакаат да изгледаат витко не треба да ги носат овие дезени. Но, ако не можете да одолеете на цветните и апстрактните принтови, изберете облека со елементи со средна или мала големина.
Деловен фустан
Деловниот фустан несомнено изгледа добро, но сè на него мора да биде совршено: ткаенината, шевовите, кројот, бојата. Но, постои еден проблем – таквите фустани не им одговараат на сите
За младите жени, подобро е да го избегнуваат овој модел и да го заменат со полежерни фустани.
Големи чанти
Иако многу жени ги избираат затоа што се практични, стилистите советуваат добро да размислиме што треба да понесеме со нас кога ќе излеземе од дома и да се одлучиме за мала наместо голема чанта.
Гардеробата што ја носиме многу придонесува за тоа како изгледаме. Секоја жена се стреми да изгледа свежо, младо и привлечно, а тоа може да се постигне со изборот на вистинската гардероба. Нема потреба да се срамите од вашите години, но нема потреба да носите одредена облека за да изгледате постари.