Економични и едноставни решенија
Секоја домаќинка знае колку може да бидат упорни дамките од маснотии. Особено ако не се отстранат веднаш, тие претставуваат вистински кошмар.
Ако сакате да заштедите пари или да избегнете употреба на груби хемикалии, тогаш мора да пробате некоја од следните комбинации.
- Оцет и вода
Измешајте оцет и вода (50:50) во шише со распрскувач и испрскајте ги саканите места. Оцетот е многу моќна намирница која ефикасно ги раствора мастите. Мешавината на овие две состојки е идеална за површини како што се шпорети, мијалници и работни површини во кујната.
- Паста од сода бикарбона
Сода бикарбоната не само што многу добро ги растворува мастите, туку може да ги неутрализира и непријатните мириси. Откако ќе направите паста од вода и сода бикарбона, нанесете ја на валканото место и оставете да делува неколку минути. Потоа добро исплакнете. Пастата од сода бикарбона е особено добар избор за чистење печки, микробранови и скари.
- Сок од лимон
Киселоста и антибактериските својства на лимонот се одлично средство за отстранување на маснотиите. Исцедениот сок од лимон нанесете го директно на мрсната површина. Оставете го да делува неколку минути, а потоа избришете го со влажна крпа.