Првутот е голем проблем за многу луѓе, а може да биде навистина фрустрирачки и да влијае на самодовербата
Првутот може да биде исклучително фрустрирачки проблем за многу жени бидејќи влијае на нивната самодоверба. Често бараме ефикасен начин да го решиме овој проблем и да и го вратиме здравјето и убавината на нашата коса, а тоа можеме да го постигнеме со правилна исхрана.
Таканаречената антиинфламаторна диета богата со хранливи материи кои придонесуваат за смирување на кожата и зајакнување на нејзината природна отпорност на микроорганизми помага во решавање на проблемите со скалпот.
Ова се пред сè омега 3 и омега 6 масни киселини (најзастапени се во сината морска риба, јаткастите плодови, семките и ладно цеденото масло) и цинкот (кој го има и во семките и јаткастите плодови, но најбогатите извори се намирниците од животинско потекло). Сите споменати намирници содржат и биотин (познат и како витамин Б7), кој е важен и за ревитализација на чувствителната и оштетена кожа.