Имате ли впечаток дека веќе не е исто како на почетокот на вашата врска? Има се почести расправии, вашата друга половина постојано ве нервира….
А вие мислите дека проблемот е во партнерот, а не во вас. Пред да го заклучите тоа сигурно, размислете повторно за се – можеби вие сте главниот виновник за љубовниот бродолом.
Лесно се случува луѓето често да ги игнорираат своите минуси и грешки…
1. Одбранбен став
Дали ви се случило да се изнервирате и да одбиете да слушате што има некој да каже до крај, ако прво кажал нешто што не ви се допаѓа.
Ако е така, се работи за вашиот тврдоглав став.
Ваквото однесување ја отежнува комуникацијата, а ретко кој знае како да го надмине таквиот став.
2. Постојана критика
Не е многу пријатно кога партнерот постојано ве осудува, ви ги наоѓа грешките и ве понижува. Овој став создава токсична средина и лесно ги расипува односите.
3. Недостаток на емпатија
Ако не ги разбирате емоциите на партнерот и ако немате сочувство за неговите проблеми – тој може да се чувствува неважен и запоставен. Тоа е лесен начин да се разделите. Емпатијата е многу важна за создавање силна емотивна врска и меѓусебна поддршка на партнерите.
4. Никогаш не признавате дека сте погрешиле
Ако навистина немате навика да признаете кога не сте во право, тоа може да ја искомплицира вашата врска. Тоа го отежнува решавањето на проблемите и ја уништува довербата.
5. Партнерска контрола
Кога се обидувате да контролирате некого, односно неговото однесување, всушност му ја одземате слободата. Колку повеќе се стремите кон контрола – толку полоша ќе биде вашата врска. Таквиот став ќе предизвика огорченост на партнерот.
6. Често префрлање на вината
Ако често ја префрлате вината на другите, тоа може да биде знак дека имате потешкотии да преземете одговорност или за вашите сопствени постапки. Ова апсолутно може да ја уништи вашата врска.
7. Емоционална манипулација
Дали ги користите чувствата на вашиот партнер за да ги контролирате и да го добиете она што го сакате? Ако е така, можеби вие сте виновни за токсичноста на врската. Емоционалната манипулација вклучува тактики како што се предизвикување вина или правење на партнерот да се чувствува лошо затоа што кажал нешто лошо.
8. Караници
Кога расправиите и конфликтите се почести од вообичаено, на сите им е јасно дека нешто не е во ред. Може да има многу причини за конфликти, но ако тие се случуваат често, тоа обично значи дека немате вештини за зрело решавање на проблемите.