Со неколку основни парчиња облека секогаш можете да изгледате елегантно и да се инспирирате да создадете нова модна комбинација.
Ова се модни парчиња кои секогаш ќе ја надополнуваат вашата елеганција:
- Црно сако
Сакото ќе го истакне вашиот струк и ќе направи да изгледате послабо. Сакото може да се носи со секаква комбинација, бидејќи оди со се; од здолништа до фармерки.
Што се однесува до обувките, можете да носите штикли, елегантни чевли, но и патики.
- Бела кошула
Белата кошула е задолжителна во гардеробата на секоја жена. Никогаш не знаете кога ќе ви затреба, а оди со се. Како ќе ја носите зависи од вашиот стил.
Така, можете да ја ставите во панталони, фармерки или здолниште, да ја носите откопчана со неутрална маица одоздола или да ја носите целосно во деловна комбинација. Односно закопчана речиси до крај, со засукани ракави.
Во која било варијанта ќе изгледате и модерно и елегантно.
- Здолниште со „молив“ крој
Овој тип на здолниште е многу елегантен, но може да се носи и во полежерен стил. Можете да го комбинирате со класична бела кошула и црно сако.
Може да се носи во текот на целата година, а она што му дава дополнителен плус е подлабокиот крој, должината до колена (или подолу). Најважно е здолништето да ја нагласи фигурата и да ве прави женствени.
- Црни панталони
Без разлика дали се тесни или широки, црните панталони се идеални за секоја пригода.
Елегантни се, женствени и одлично одат со потпетици.
- Кожна јакна
Кожената јакна е апсолутен хит и никогаш не излегува од мода. Тоа е сестрано парче облека и оди со се што носите, давајќи ви шик и елегантна нота.
Незаменлива е во секоја ситуација и дефинитивно треба да ја имате во вашата гардероба.
