Тиквичките се омилен зеленчук на многу луѓе во лето бидејќи се евтини, вкусни и можат да се претворат во безброј вкусни оброци за појадок, ручек или вечера, било солени или слатки.
Од доцна пролет до рана есен, тиквичките се на сечие мени, а може да се јадат и сирови, иако повеќето луѓе ги претпочитаат варени.
Полни се со вода, нискокалорични и имаат само 17 калории на 100 грама, а богати се со растителни влакна, протеини и натриум, како и со витамини Ц, А, К, Б6, рибофлавин, фолати…
Затоа, многумина би сакале да ги јадат во текот на целата година. Единствениот начин да го направите тоа е да ги замрзнете!
Најлесен и најбрз начин е едноставно да ги измиете тиквичките, да ги исечете и да ги ставите во кесички, а потоа во замрзнувач. Сепак, прво треба да ги бланширате тиквичките.
Направете го тоа така што исечканите тиквички ќе ги потопите во топла вода околу една минута.
На овој начин ќе го запрете дејството на ензимите, кои предизвикуваат овој зеленчук да стане каша, да омекнат, да изгубат боја или да потемнат.
При бланширање не треба да се посолуваат, бидејќи солта е уште една причина за омекнување на тиквичките. По бланширањето, исцедете ги тиквичките од водата и потоа ставете ги во кесички во кои ќе ги замрзнете.
Секогаш избирајте потполно здрави и млади тиквички за замрзнување, никогаш презрели.