Халуми е полутврдо бело сирење направено од овчо, козјо и кравјо млеко. Иако неговата текстура е слична на моцарела, нема многу сличност со неа. Имено, се работи за сирење кое не се топи и не се распаѓа, поради што многумина го подготвуваат на скара.
Можете да комбинирате халуми со коцки лубеница за да добиете вкусни раженчиња. За овој рецепт ќе ви требаат и зачини како ароматичен сумак и цимет, коријандер и кајен пипер.
Раженчињата испечете ги на скара – дефинитивно држете ги подалеку од директна топлина, или пак подгответе ги на грил тава. Во продолжение прочитајте како се подготвуваат овие неочекувано вкусни раженчиња.
Состојки:
400 гр сирење халуми
400 гр исечена лубеница
1 лажичка коријандер
1 лажичка зачин сумак
1 лажичка кајен пипер
½ лажичка цимет во прав
сол и црн пипер по желба
Подготовка:
Потопете ги дрвените стапчиња за јадење во ладна вода околу 30 минути пред да планирате да го направите ова јадење или алтернативно, користете метални раженчиња.
Лубеницата и сирењето исечкајте ги на приближно исти парчиња и залепете ги на стапчиња.
Во помал сад измешајте ги зачините: коријандерот, сумакот, кајенскиот пипер, циметот, солта и обичниот бибер и притиснете ги во подготвените раженчиња.
Испечете ги раженчињата на скара или на тава. Печете ги околу две до три минути од секоја страна додека кашкавалот не омекне и добие темна боја.
Послужете ги топли! Добар апетит!