Кристин Баумгартнер поднесе барање за развод од актерот Кевин Костнер во мај оваа година по 19 години брак
Разводот на Кевин Костнер и Кристин Баумгартнер се уште не е завршен. Кристин бара од актерот да ја зголеми алиментацијата од 129.755 долари месечно на 175.057 долари месечно за да го финансира начинот на живот на нивните деца.
Актерот (68) и неговата поранешна сопруга (49) имаат три деца, Кајден (16), Хејс (14) и Грејс (13), а „TMZ“ објави дека Кристин поднела барање, барајќи од судот да ги разгледа исплатите за децата да можат „да ужива во истиот начин на живот како со двајцата родители“ откако дознала колку пари заработил Костнер.
Таа вели дека актерот треба да плаќа повисока алиментација „за да можат децата да одат на споредливи одмори кога се со неа.“ Таа исто така додава дека поголемата сума „нема да биде доволна за да го повтори начинот на живот на Кевин, но ќе биде доволна за да и дозволи да им обезбеди на децата начин на живот кој е релативно споредлив.“ Баумгартнер тврди дека просечниот готовински тек на Кевин во изминатите две години бил 19.248.467 долари годишно, што е еднакво на 1,6 милиони долари секој месец.
Поранешната сопруга на Костнер моментално живее во изнајмен стан од 40.000 долари месечно во Монтесито и во документите вели: „За разлика од комплексот на плажа на Кевин, изнајмувањето во септември е на планинската страна на автопатот. Нема пристап до плажа, ниту е на пешачка оддалеченост од плажата и нема живописен поглед“.
Да се потсетиме дека актерот и дизајнерката на чанти се венчаа во 2004 година во Аспен, Колорадо. Сепак, тие решија да го прекинат бракот по речиси 19 години, кога Кристин поднесе барање за развод.