Енди Тејлор, основачот и гитарист на групата Duran Duran, сподели прекрасна вест – дека е целосно излечен од рак на простата кој метастазирал пред неколку месеци.
Имено, на почетокот на ноември минатата година, сите фанови на популарната група беа изненадени од веста дека Енди е тешко болен.
Енди сега, поточно вчера, петок, даде интервју за „Times of London“ каде ја откри прекрасната вест дека ја победил опасната болест која била во четврта фаза.
Тејлор ја даде целата заслуга за неговото чудесно закрепнување на научникот Кристофер Еванс, кој користел иновативен третман за уништување на клетките на ракот со радиоактивни хемикалии.
Енди рече:
– Ме класифицираа како некој кој е на крајот од животот. Сега не сум – изјави и го пофали докторот кого го нарече гениј, нарекувајќи го „Илон Маск на ракот“.