Зрелите години носат неколку предности, а една од нив е тоа што трендовите на фризурата не се менуваат толку драстично. Освен тоа, зрелите жени веќе научија што им одговара, а што не. Фризурата што ќе ја изберете, секако, зависи од многу работи, структурата на вашето лице, стилот што го одржувате и личните преференци. Но, постојат неколку универзални правила со кои не можете да погрешите.
Кратко како Шерон Стоун
Едно од нив вели дека колку сте постари, толку треба да ви биде пократка косата. Една од причините за тоа е фактот што косата се проретчува со возраста, го губи својот сјај и може да биде сува и безживотна. Ако вашата коса и понатаму останува здрава и сјајна како во помладите денови, слободно игнорирајте го ова правило и слободно пуштете ја косата.
Асиметрична како Мишел Фајфер
Ако сте решени да ја одржувате вашата коса долга, посветете доволно внимание за да изгледа здраво и негувано. Изберете кратки, асиметрични фризури со должина на брадата или рамената. Асиметричните шишки се одличен избор бидејќи ги кријат истакнатите брчки на челото и можат да направат да изгледате помладо. Меѓутоа, доколку имате исклучително тенка коса, оваа фризура не е најдобриот избор за вас. Исто така, речиси сите посветли нијанси совршено одговараат на зрелите жени: руса, медена боја, бакар, светло кафена, па дури и портокалова. Потемните нијанси ќе ги истакнат сите недостатоци на лицето, затоа избегнувајте ги, особено ако имате посветол тен.
Пунџа и локни како Сара Џесика Паркер
Кратките момчешки фризури можат да направат да изгледате помладо, како и полудолгата, асиметрично исечена коса. Доколку имате малку подолга коса, нежните локни совршено ќе ви одговараат, а воедно ќе ви ги омекнат цртите на лицето. Кога косата е крената, пунџата или опавчето треба да бидат опуштени, со малку повеќе волумен.
