Американската актерка Дениз Ричардс била фотографирана во текот на ручекот со својата ќерка и пријателката, во некој ресторан во Калифорнија.
Многумина се запрепастиле кога виделе колку некогаш најубавата жена на светот, всушност се уништила со операциите.
Таа повторно ја зголемила својата уста, ставила филери во своето лице, а од нејзината некогашна убавина нема ниту трага.
Дениз Ричардс важела за една од најубавите актерки во Холивуд. Славната русокоса била сон на многу од мажите во минатото, а бројни дами носеле нејзини фотографии во ординациите кај хирурзите и сакале што повеќе да личат на неа.
За жал, деновите кога била позната по својата ненадминлива убавина се минато, а во последниве години има сѐ повеќе приказни поврзани со нејзините неславни пластични операции, но и приказни поврзани за нејзиниот приватен живот.
За жал, Дениз, како и поголем дел од нејзините колешки, имала проблем да се помири со стареењето, па помош побарала во ординациите на хирурзите. Со текот на времето нејзината зависност од операции го направила нејзиниот лик непрепознатлив, а новите фотографии се само уште еден доказ за тоа.
Се чини дека нејзината уста повторно ја зголемувала, а поради сето тоа таа била на раб на т.н. „насмевка на Џокер“. Од моментот кога нејзините фотографии се нашле на социјалните мрежи, можат да се прочитаат загрижувачки коментари на нејзина сметка:
„О, боже… Што направи од своето лице?“, „Ова е за психијатар, а не за хирург“, „Жено, се упропасти“, „Од таква убавица, сега не личиш на себе“, биле само дел од коментарите.
Да ве потсетиме, Дениз ја започнала својата кариера како модел, а кон крајот на 90-тите влегла и во светот на актерството благодарение на улогата во филмот „Џејмс Бонд: Светот не е доволен“.
Подоцна таа ги полнела медиумските страници со својот турбулентен брак со актерот Чарли Шин со којшто има две ќерки, Сем Шин и Лола Шин, но и поради учеството во реалити шоуто „Домаќинки од високото општество“.
Тогаш започнале и приказните дека таа го уништила своето лице со ботокс и останати третмани иако некогаш беше една од најзгодните актерки на светот.
„Доколку луѓето малку подобро погледнат, ќе видат дека ги имам истиот нос и истите усни. Не користам ботокс ниту филери“, изјавила во една прилика таа самоуверено.