Не ризикувајте!
Доколку некогаш сте се запрашале која е најризичната храна што можете да ја јадете, резултатите од една неодамнешна студија би можеле да ве изненадат.
Имено, американскиот „Consumer Reports“ неодамна објави листа на неколку од најризичните намирници, а она со што се занимавале е првенствено анализа на податоци за потенцијални болести кои се пренесуваат преку храна.
На прво место, како што објаснуваат, е зелената салата, а труењата се поврзуваат со свежа зелена салата и салати спакувани во кеси, како што најчесто се во супермаркетите.
Еден од изворите на нивната контаминација е водата што се користи за наводнување на полињата со зелена салата, а истражувањата покажаа дека помеѓу 2017 и 2022 година, вкупно 614 луѓе во Америка заболеле од ешерихија коли или листерија. Исто така, дури единаесет лица од 614 заразени починале како последица на труење.
Како што објаснуваат авторите на студијата, најголемиот ризик лежи во самите кеси со спакувана салата на кои пишува дека е веќе измиена, па затоа многу луѓе воопшто не ја мијат пред консумирање, што е голема грешка.