Актерите и сопружници Мила Кунис и Ештон Качер испратија писмо со поддршка до нивниот колега Дени Мастерсон, пред изрекувањето на неговата пресуда. Инаку, Мастерсон беше обвинет за силување на две жени пред две децении и беше осуден на 30 години затвор.
Според „Си-ен-ен“, во писмата објавени од новинарот Тони Ортега, двојката гарантирала дека нивниот колега Дени Мастерсон нема карактерни црти што би укажувале дека тој може да го изврши чинот на силување за кој е обвинет. Во писмото тие ја замолија судијката Шарлин Олмеда за попустливост.
„Свесни сме дека Дени Мастерсон е осуден за две точки од обвинението за силување и дека жртвите имаат силна желба за правда. Се надеваме дека нашето писмо за поддршка, кое доволно зборува за неговиот лик, ќе биде земено предвид при изрекувањето на пресудата. Веруваме дека тој не може да биде штетен за општеството“, се вели во писмото.
Покрај актерската двојка, уште 50 луѓе испратиле писма со поддршка до актерот Дени Мастерсон.
„Од самиот почеток можев да ја почувствувам неговата вродена добрина и искрена природа. Неговата грижлива природа и способност да понуди насоки беа клучни за мојот личен и професионален раст“, напиша Мила Кунис во писмото.
Популарната актерска двојка глумеше со Мастерсон во популарната серија „That ’70s Show“, која се снимаше во САД во деведесеттите години.
Поротата, составена од седум жени и пет мажи, го прогласи Мастерсон за виновен по две точки од обвинението по седум дена размислување.
Двата напади на силување се случиле во домот на Мастерсон во Холивуд, во времето кога тој беше најпопуларен и најпознат, за време на емитувањето на популарната серија „That ’70s Show“.
Актерот Дени Мастерсон е осуден на 30 години поради силување на две жени, но тој тврди дека е невин и планира да поднесе жалба на пресудата.