Ким Кардашијан не била отсекогаш најдобро облечената жена која се појавила на црвениот тепих, судејќи по модните критичари, но таа умее да заблеска така што зад себе остава многу од ѕвездите на Холивуд.
Реалити ѕвездата и претприемачка била дел од настанот во Њујорк наречен „Грижа за жените“, а додека нејзиниот стил секако не е синоним за скромност, овојпат таа успеала конзервативноста да ја „спакува“ во аутфит со доза на драма.
Ким Кардашијан блескала во „statement“ фустанот со потпис на модната куќа „Баленсијага“, а станува збор за фустан којшто е шиен специјално за неа и којшто е розов и со светкави детали, односно кристалчиња.
Стилот којшто го избрала Ким е монохроматски, фустанот е долг, со рол-крагна и долги ракави, не открива речиси ниту еден дел од нејзиното тело, а повторно успеала да го постигне посакуваниот „wow“ ефект.
Скако, луксузот наѕира од секој дел од овој фустан, па така со него успеала да ги стави во сенка Никол Кидман и Селма Хаек.
Целокупниот стајлинг Ким го заокружила со луксузен накит, дијамантски прстени и обетки.
Додека Никол носела фустан со пердуви, Селма носела бордо деколтиран фустан којшто исто така бил со светкави детали, но судејќи по коментарите на критичарите, не успеала да го постигне тој ефект којшто го постигнала Ким.