Само Донатела знае да го зачини шоуто и да ни послужи нешто повеќе од одлична нова колекција.
Музите на Версаче се сменија во ерата на Џани, но онаа која, како што многумина тврдат, му била најблиску до срцето, е Клаудија Шифер.
Синоќа, германскиот супермодел се најде на модната писта за прв пат по затворањето на колекцијата на брендот за пролет 2018 година заедно со Карла Бруни, Наоми Кембел, Синди Крафорд и Хелена Кристенсен.
Шифер прошета во зелен и сребрен фустан до подот со шаховски принт. Слип фустанот имаше метален финиш украсен со кристални мониста и нане зелена чипка што го оцртуваше торзото на моделот. Изгледот беше завршен со суптилен природен изглед на шминка и сребрени металик шпиц потпетици со машна.
Во рамките на подготовките за шоуто, Шифер поебарала низ нејзината архива „Версаче“.
– Моите омилени креации се во колекцијата металик, светло сина, светло розова, златна. Тоа се мини здолништа со мали џемпери и чизми до колена во бои што одговараат на џемперот, така што тоа би можело да биде целиот изглед“, изјави таа за Vogue, мислејќи на колекцијата есен 1994 година.
Шифер, која доби неколку парчиња од таа колекција од Џани и Донатела, ги донесе со себе во Милано и ги носеше на фотосесија пред самата ревија.
– Тоа е таков флешбек на раните 90-ти. Чудното е што денес можете повторно да ги носите. Тоа е и мода на денешницата.
И навистина, Клаудија е во право – првото нешто што го забележуваме се палетите на бои на нежно розова, црна, нане зелена и сина. „Версаче“ јасно им кажува „не“ на панталоните и ги заменува со шорцеви. Нема истакнато лого, корсет и злато, уште повеќе, сè е многу минималистички, ако може да се каже тоа за „Версаче“. Кратките фустани без ракави и чизмите до колена зборуваат за ретро естетика, додека разиграните кроеви и материјали го прават модерен. Тие решија да копаат низ нивните архиви, нудејќи атмосфера инспирирана од винтиџ парчињата. Колекцијата е „Twiggy-coded“ бидејќи во асортиманот доминираат фустани во А-линија и елегантни ансамбли.
Што се однесува до манекенките – Кендал Џенер беше една од првите ѕвезди кои се прошетаа на модната писта. Таа носеше бел мини фустан со сребрени детали и имаше бела машна во косата, додека Џиџи Хадид, музата на Версаче, излезе во светкав жолт фустан кон крајот. Секако, Клаудија го украде шоуто.
Донатела како и секогаш се појави во највисоките потпетици од колекцијата – кожени четвртасти чизми до колена. И таа носеше шаховски принт во комбинација на беж и бела и разиграно мини здолниште. Се чини дека овие бои се добитна комбинација за постигнување младешки, но и „clean girl“ изглед.
