Оние кои никогаш не доживеале мигрена, имаат среќа да не знаат каква е пулсирачката болка во предниот и страничниот дел на главата, често придружена со „аура“ од трепкачки светла на гадење и повраќање. Таквиот напад може да трае со часови, па дури и денови, а мигрената дури поттикнува и други непријатни симптоми како вкочанет врат и замор.
Пациентите често се одлучуваат за лекови против болки за да функционираат, но еден лекар открива метод за ублажување на болката без лекови. Д-р Кунал Сод, лекар за акутна и хронична болка, откри дека ви треба топла вода, бидејќи држењето на нозете во жешка вода може да помогне во ублажување на интензивната болка.
“Доколку страдате од мигренски главоболки, постои трик што можете да го испробате. Тој нема никакви несакани ефекти и се што треба да направите е да ги натопите нозете во жешка вода”, рекол тој. Веројатно се прашувате како обичната вода може да помогне? Лекарот објасни дека процесот помага да се прошират крвните садови во вашите стапала и на тој начин се ослободува крвта од главата. Мигрената предизвикува проширување на крвните садови кои го опкружуваат мозокот, а ова проширување може да доведе до пулсирање во главата, често концентрирано на едната страна.
Меѓутоа, кога крвта се вади од местото каде што се појавуваат мигрените, тоа може да ја намали болката што ја чувствувате. „Топлата вода ќе ги прошири крвните садови на стапалата, извлекувајќи крв од главата, што ќе го намали притисокот врз крвните садови кои предизвикуваат мигрена, што пак ќе ја намали болката“, објасни докторот.