Иако одењето во кино можеби е најмалата грижа на просечниот Русин, пренасочувањето на умот и забавата е нешто што му треба на секој човек, барем до одреден степен. Меѓутоа, бидејќи холивудските студија ги повлекоа филмовите од Русија уште во март минатата година, иако тоа беше деветти по големина пазар во светот, тоа не спречи многу Руси да уживаат во нив илегално. Затоа не ги пропуштија летните хитови како Барби и Опенхајмер. Но и многу други холивудски филмови. Но, и руските власти го третираат како незаконски, бидејќи американските филмови ги опишуваат како „пропаганда“, нималку пожелни во време на војна.
Русите имаа слични проблеми за време на Студената војна, но низ целиот Советски Сојуз можеше илегално да се гледаат филмови, кои обично ги синхронизираше еден човек, но луѓето сепак се собираа да гледаат Вонземјани, Терминатор, Роки… Во денешно време e полесно филмови нелегално да се добијат, со врвна резолуција и да се најдат преводи, така што искуството е повеќе од добро. Одењето на кино проекции е уште подобро, пишува Гардијан.
Исто така, веќе ги нема во подруми, се рекламираат и се во кино. Додуша, не во големи синџири туку во помали, приватни. Холивудските студија немаат што да добијат од ова, но барем Русите остануваат во тек и имаат привид од животот во кој уживале пред да започне инвазијата на Украина…